കൊച്ചി ആകാശവാണിയുടെ തകർച്ചയും പരിഹാരങ്ങളും

Akashvani Kochi Review: Decline and Solutions

കൊച്ചി ആകാശവാണിക്ക് എന്തുപറ്റി? ഒരു അൻപതുകാരൻ ശ്രോതാവിന്റെ സങ്കടവും പ്രതികരണവും

കഴിഞ്ഞ അൻപത് കൊല്ലമായി റേഡിയോയുമായി അനിഷേധ്യമായ ഒരു ആത്മബന്ധം സൂക്ഷിക്കുന്ന ഒരു പരമ്പരാഗത കുടുംബമാണ് ഞങ്ങളുടേത്. കേരളത്തിലെ ലക്ഷക്കണക്കിന് വീടുകളിലെപ്പോലെ ഞങ്ങളുടെ പുലരികളും സന്ധ്യകളും ഇന്നും ഉണരുന്നതും ഉറങ്ങുന്നതും റേഡിയോ തരംഗങ്ങളിലൂടെയാണ്. റേഡിയോ എന്നാൽ എനിക്കും എന്റെ കുടുംബത്തിനും വെറുമൊരു വിനോദോപാധിയോ സമയംകൊല്ലിയോ അല്ല; മറിച്ച്, മലയാള ഭാഷയുടെ ഏറ്റവും മികച്ച ഉച്ചാരണശുദ്ധിയും ഗാംഭീര്യവും സംസ്‌കാരവും കേട്ടുപഠിച്ച ഒരു വിദ്യാലയം കൂടിയാണ്. ലളിതസുന്ദരമായ മലയാളം എങ്ങനെ സംസാരിക്കണം എന്ന് മലയാളി പഠിച്ചത് ആകാശവാണിയിലൂടെയാണ് ( Akashvani Kochi Review ) . എന്നാൽ ഇതാദ്യമായാണ് ഇത്രക്കും അക്ഷരസ്ഫുടതയില്ലാത്ത ചില അനൗൺസർമാർ വളരെ അലക്ഷ്യമായും ഉത്തരവാദിത്തമില്ലാതെയും ഈ പവിത്രമായ പൊസിഷൻ കൈകാര്യം ചെയ്യുന്നത് ഞാൻ കേൾക്കുന്നത്. ഈ അപചയം തികച്ചും ദൗർഭാഗ്യകരമാണ്.

ഇന്നത്തെ കൊച്ചി ആകാശവാണിയിലെ ചില അനൗൺസ്മെന്റുകൾ കേൾക്കുമ്പോൾ കടുത്ത സങ്കടവും അതോടൊപ്പം അടക്കാനാവാത്ത അമർഷവുമാണ് ഒരു സാധാരണ ശ്രോതാവെന്ന നിലയിൽ എനിക്ക് തോന്നുന്നത്. അക്ഷരസ്ഫുടതയില്ലാതെ, കൃത്രിമപ്പല്ല് വെച്ച് സംസാരിക്കുന്നതുപോലെ വാക്കുകൾ കുഴഞ്ഞുമറിഞ്ഞ് വിളമ്പുന്ന താല്ക്കാലിക സ്റ്റാഫുകളെക്കൊണ്ടാണോ ഈ മഹത്തായ പൊതുമേഖലാ സ്ഥാപനം മുന്നോട്ട് പോകേണ്ടത്? യോഗ്യതയുള്ള ആളുകളെ കിട്ടാത്തതുകൊണ്ടാണോ കൊച്ചി ആകാശവാണി ഇപ്പോൾ ഇങ്ങനെ ചെയ്യുന്നത്? അതോ കേൾവിക്കാരെ പൂർണ്ണമായി വിഡ്ഢികളാക്കുകയാണോ ഇവരുടെ ലക്ഷ്യം?

വെപ്പ് പല്ലുമായി വന്ന് അനൗൺസ് ചെയ്യുന്നത് കേട്ടാൽ കേൾക്കുന്നവർക്ക് മനസ്സിലാവില്ല എന്നാണോ ആകാശവാണിയുടെ വിചാരം? അവരുടെ ഈ അനൗൺസ്മെന്റ് രീതി എത്രയോ ബോറാണെന്ന് ഒരുപക്ഷേ അവർക്ക് അറിയില്ലായിരിക്കാം, അല്ലെങ്കിൽ മനസ്സിലാവുന്നുണ്ടാവില്ല. എങ്കിലോ, 50 കൊല്ലമായി ആകാശവാണി നിരന്തരം കേട്ടുകൊണ്ടിരിക്കുന്ന എന്നെപ്പോലെയുള്ളവർക്ക് കൃത്യമായി മനസ്സിലാവും അവരുടെ സംസാരം എത്രത്തോളം അരോചകമാണെന്ന്! കേൾവിക്കാരെ ശരിക്കും ബുദ്ധിമുട്ടിക്കുന്ന ഇങ്ങനെയുള്ളവരെ ദയവായി ആ സ്ഥാനത്തുനിന്ന് അടിയന്തരമായി ഒഴിവാക്കി തന്നാൽ കൊള്ളാം.

കേരളത്തിലെ വേറെ ഒരു റേഡിയോ സ്റ്റേഷനിലും ഇതുപോലെ അക്ഷരസ്ഫുടതയില്ലാതെ മൊഴിയുന്ന സ്റ്റാഫുകളെ ഞാൻ ഇതുവരെ കണ്ടിട്ടില്ല, കേട്ടിട്ടില്ല. ആകാശവാണിയുടെ പഴയ പ്രൗഢിയും ശബ്ദശുദ്ധിയും അനുഭവിച്ചറിഞ്ഞ എന്നെപ്പോലെയുള്ള ഒരു സാധാരണ ശ്രോതാവിന് ഇക്കാലത്തുണ്ടാകുന്ന ഈ നിരാശ ചെറുതല്ല. ഇവർ പിൻവാതിൽ നിയമനമാണോ എന്ന് പോലും പലപ്പോഴും ഞാൻ സംശയിച്ചുപോകുന്നു! ഡിജിറ്റൽ യുഗത്തിലും റേഡിയോയെ നെഞ്ചിലേറ്റുന്ന ലക്ഷക്കണക്കിന് മലയാളികളോടുള്ള വെല്ലുവിളിയാണിത്.

എന്താണ് ഇതിന് കാരണം?

ഒരു കേന്ദ്ര സർക്കാർ സ്ഥാപനമായതുകൊണ്ട് തന്നെ സ്ഥിരം ജീവനക്കാരെ അത്ര എളുപ്പത്തിൽ പിൻവാതിലിലൂടെ നിയമിക്കാൻ പ്രസാർ ഭാരതിക്ക് സാധിക്കില്ലായിരിക്കാം. എന്നാൽ അടുത്ത കാലത്തായി ആകാശവാണിയുടെ നയങ്ങളിൽ വന്ന ചില മാറ്റങ്ങളാണ് ഈ തകർച്ചയ്ക്ക് കാരണം എന്ന് ഞാൻ കരുതുന്നു:

• താൽക്കാലിക നിയമനങ്ങൾ: പഴയ പ്രഗത്ഭരായ അനൗൺസർമാർ ഭൂരിഭാഗവും വിരമിച്ചതിനു ശേഷം, പുതിയ സ്ഥിരം നിയമനങ്ങൾ കേന്ദ്ര സർക്കാർ നടത്തുന്നില്ല. പകരം കാഷ്വൽ അനൗൺസർമാരെ (Casual Announcers) വളരെ കുറഞ്ഞ വേതനത്തിൽ കരാർ അടിസ്ഥാനത്തിലാണ് ഇപ്പോൾ സ്റ്റേഷനുകൾ ആശ്രയിക്കുന്നത്.
• പരിശീലനക്കുറവ്: താൽക്കാലികമായി വരുന്ന പലർക്കും പഴയ തലമുറയ്ക്ക് ലഭിച്ചിരുന്നതുപോലെയുള്ള കഠിനമായ വോയ്‌സ് ട്രെയിനിംഗോ ഭാഷാ പരിശോധനയോ ലഭിക്കുന്നില്ല. ഇത് വോയ്‌സ് ക്വാളിറ്റിയെ ദോഷകരമായി ബാധിക്കുന്നു.
• അന്ധമായ അനുകരണം: സ്വകാര്യ എഫ്.എം (FM) സ്റ്റേഷനുകളുടെ ശൈലി അന്ധമായി അനുകരിക്കാൻ ശ്രമിച്ച്, തനതായ ഗൗരവവും ഭാഷാശുദ്ധിയും ആകാശവാണി കൈവിട്ടുകളയുകയാണ്. ഇതിനെപ്പറ്റിയുള്ള ആഗോള റേഡിയോ ട്രെൻഡുകൾ മനസ്സിലാക്കാൻ Radio World സന്ദർശിക്കാവുന്നതാണ്.
• സാങ്കേതിക മേധാവിത്വം: മനുഷ്യ ശബ്ദത്തിന്റെ ഗുണനിലവാരത്തേക്കാൾ കൂടുതൽ സാങ്കേതിക വിദ്യക്കും ഡിജിറ്റൽ സംവിധാനങ്ങൾക്കും പ്രാധാന്യം നൽകുന്നതുകൊണ്ട് ശബ്ദവിശുദ്ധി ചോദ്യം ചെയ്യപ്പെടുന്നു. ഇതിന്റെ ആധുനിക മാനദണ്ഡങ്ങളെക്കുറിച്ച് അറിയാൻ Broadcast Dialogue വായിക്കുക.

20x HashTags: #AkashvaniKochi #AllIndiaRadio #MalayalamRadio #PrasarBharati #KochiRadio #RadioListenerReview #MalayalamBroadcasting #KeralaMedia #SaveAkashvani #RadioAnnouncers #VoiceQuality #MediaCriticism #KeralaRadio #AkashvaniReview #PublicBroadcaster #MalayalamLanguage #KochiNews #RadioCulture #BroadcastStandards #MalayaliJournal #Akashvani Kochi Review

Decline of Akashvani Kochi: A Loyal Listener’s Review

This critical post highlights the declining broadcasting standards of Akashvani Kochi, a prominent regional station of India’s public broadcaster, Prasar Bharati. For over five decades, public radio in Kerala served as the gold standard for Malayalam pronunciation, linguistic purity, and cultural representation. However, the recent shift toward casual contract announcers has severely impacted voice quality and presentation standards. The author, a passionate lifelong listener, voices deep concerns over the lack of proper training, poor articulation, and improper recruitment processes. This review offers actionable solutions, urging administrative intervention to revive the historic glory of public radio in Kerala.

ഇതിന് എന്തുണ്ട് പരിഹാരം?

കേവലം ഒരു വിമർശനത്തിൽ ഒതുക്കാതെ, എന്നെപ്പോലെ ആകാശവാണിയെ ജീവനുതുല്യം സ്നേഹിക്കുന്ന ലക്ഷക്കണക്കിന് ശ്രോതാക്കൾക്കായി ചില പരിഹാര മാർഗ്ഗങ്ങൾ കൂടി ഞാൻ അധികാരികൾക്ക് മുന്നിൽ സമർപ്പിക്കുന്നു:

1. കർശനമായ വോയ്‌സ് ടെസ്റ്റ് പുനഃസ്ഥാപിക്കുക: താൽക്കാലിക ജീവനക്കാരെ എടുക്കുമ്പോൾ പോലും ഉച്ചാരണശുദ്ധിയും അക്ഷരസ്ഫുടതയും കർശനമായി പരിശോധിക്കുന്ന പഴയ രീതി തിരികെ കൊണ്ടുവരണം.
2. തുടർ പരിശീലനങ്ങൾ (Refresher Courses): നിലവിൽ അനൗൺസ്മെന്റ് ചെയ്യുന്നവർക്ക് കൃത്യമായ ഇടവേളകളിൽ ഭാഷാ-ഉച്ചാരണ പരിശീലനങ്ങളും വോയ്‌സ് കൾച്ചറിംഗ് ക്ലാസുകളും പ്രസാർ ഭാരതി നിർബന്ധമാക്കണം.
3. ശ്രോതാക്കളുടെ ഫീഡ്‌ബാക്ക് കമ്മിറ്റി: പ്രോഗ്രാമുകളുടെയും അവതാരകരുടെയും ഗുണനിലവാരം വിലയിരുത്താൻ ശ്രോതാക്കളുടെ പ്രതിനിധികൾ അടങ്ങുന്ന ഒരു ‘ലിസണേഴ്‌സ് ഫോറം’ കൊച്ചി സ്റ്റേഷനിൽ സജീവമാക്കുക.
4. അധികാരികളുടെ അടിയന്തര ഇടപെടൽ: ഗുണനിലവാരമില്ലാത്ത അവതാരകരെ മാറ്റാൻ സ്റ്റേഷൻ ഡയറക്ടർ തയ്യാറാകണം. ഇതിനായി എന്നെപ്പോലെയുള്ള സജീവ ശ്രോതാക്കൾ ഒന്നടങ്കം തങ്ങളുടെ പരാതികൾ ഇമെയിൽ വഴിയും കത്തുകൾ വഴിയും അധികാരികളെ അറിയിക്കണം.
5. ഇത് പോലൊരു വിമർശനം എഴുതിയതിന്റെ പേരിൽ എന്റെ ഫേസ്ബുക്ക് പോസ്റ്റും , ഗ്രൂപ്പും , റിപ്പോർട്ട് നേരിടേണ്ടി വന്ന വളരെ ധൗർഭാഗ്യകരമായ ഒരു ദുരനുഭവവും കൂടി ഈ ലേഖകന് ഉണ്ട് എന്ന് ഇത്തരുണത്തിൽ ഞാൻ സ്മരിക്കുകയാണ് . അത് കൊണ്ടാണ് ഈ കടുത്ത വിമർശനം ഞാൻ എന്റെ സ്വന്തം ബ്ലോഗ് പോസ്റ്റിൽ കടുത്ത ഭാഷയിൽ എഴുതേണ്ടി വന്നത് .

അരനൂറ്റാണ്ടുകാലം മലയാളിയുടെ കാതുകളിൽ അമൃതുപെയ്ത ആകാശവാണിയുടെ തനിമ നഷ്ടപ്പെടാൻ നമ്മൾ അനുവദിച്ചുകൂടാ. അധികാരികൾ എത്രയും പെട്ടെന്ന് കണ്ണുതുറക്കുമെന്ന് ഞാൻ പ്രത്യാശിക്കുന്നു.